طريقه تركيب الزن كارت، ابدأ متجر الكتروني في دقايق!

لو انت لسه متعرفش يعني ايه متجر الكتروني او تجاره الكترونيه، اضغط هنا علشان تعرف. و لو انت عندك فكره عن التجاره الالكترونيه لكن بس عايز تعرف يعني ايه زن كارت، اضغط هنا علشان تقرا عنه. لو انت مسمعتش عن برنامج الاو اس كوميرس، اضغط هنا انا بانصحك انك تستعمله بدل الزن كارت.

لو انت قريت لغايه هنا يبقي ادي اللي انت مستنيه، طرق تركيب الزن كارت سهله و المفروض تاخد منك تقريبا 20 دقيقه.

قبل ما تبدا في تركيب الزن كارت، لازم تتأكد ان الهوست بتاعك بيدعم الـPHP و الـ MySQL Database. انا متأكد ان اكتر من تسعين في الميه من الهوست بيدعموهم، فمتقلقش.

1 حمل الزن كارت من هنا، او لو الرابط مش شغال ادخل علي موقع الزن كارت من هنا و حمله بنفسك ، هتلاقي تحميله سهل جدا متقلقش.

اضغط علي كلمه داونلود، التحميل هيبدأ بعد دقيقه.

2 فك ضغط الملف بأي برنامج فك ضغط انت بتستعمله (في المثال ده، البرنامج هو اي زي ارك)

فك ضغط الملف بأي برنامج فك الضغط، انا في المثال ده باستعمل اي زي ارك.

افتكر المفات فين، علشان هتحتاجها في الخطوه الجايه

3 ارفع الملفات علي السرفر بتاعك : و ده طبعا هتعمله بطريقه الاف تي بي FTP ، في المثال ده البرنامج هو فايلزيلا FileZilla ، لو انت متعرفش ازاي ترفع الملفات علي السرفر بتاعك اكتب لي و انا هاحاول اساعد في اني انزل شرح لطريقه استخدام الاف تي بي. طبعا مهما كان الانترنت بتاعك سريع، الابلود هياخد فتره، ممكن مثلا ربع ساعه!

ارفع الملفات علي الموقع بتاعك بالبرنامج اللي يعجبك، المثال اللي هنا معمول ببرنامج فايلزيلا

الابلود لازم ياخد علي الاقل ربع ساعه، بعد ما الملفات كلها تترفع روح علي الخطوه الجايه

4 خش علي موقعك: زور موقعك عادي خالص، افتح المتصفح و اكتب اسم موقعك و ادخل عليه، هتلاقي الشاشه دي ظهرت بدل موقعك:

5 اضغط علي Click here و هتظهر لك الشاشه دي:

اختار اول حاجه (اقبل الاتفاقيه) و اضغط علي Continue…

هتظهر لك الرساله دي:

الرساله دي بتقول ان فيه ملفين مش موجودين، لكن ده مش صحيح، الملفين موجودين لكن اسمهم متغير.

6 ارجع لبرنامج الفايلزيلا، و روح علي المسار admin/includes  و دور علي الملف dist-configure.php و اضغط عليه كليك يمين و اختار rename و غير اسم الملف للأسف ده: configure.php

7 بعد ما تغير اسم الملف، اضغط عليه تاني كليك يمين و اختار File Attributes هيظهر لك المربع ده

اتأكد ان كل المربعات معمول عليها صح، وبعدين اضغط اوكيه، ده معناه انك بتسمح للملفات دي انها تتعدل. و من دلوقتي هنسمي العمليه دي عمليه 777

8 هنكرر الخطوه رقم 6، هنروح علي Includes  في برنامج الفايلزيلا، و هنغير اسم الملف ده dist-configure.php و نخليه configure.php .

9 هنكرر الخطوه رقم 7 مع الملف اللي احنا غيرنا اسمه دلوقتي، هنعمل كليك يمين عليه و نختار File Attributes وبعدين نتأكد ان كل المربعات معمول عليها علامه صح.

10 دلوقتي بعد ما انت عرفت عمليه 777 (الخطوه رقم 7 و 9) المفروض انك تعمل نفس الخطوه دي مع الفولدرات دي علي الفايلزيلا:

/cache

/images  و كل الفولدرات اللي جواه

/media

/pub

/admin/backups

/admin/images/graphs

/includes/languages/english/html_includes

11 ارجع للاكسبلورر (موقعك اللي انت كنت فاتحه) و اضغط علي Re-Check

12 دخل المعلومات عن الداتابيس، الخطوه دي هتحتاج معلومات من الهوست بتاعك، غالبا الهوست هيكون سايب لك الحريه في انك تعمل الداتابيس دي، لكن عموما الخطوه دي هتختلف من هوست للتاني، فبصراحه صعب اني اشرحها، لكن لو انت عندك مشكله قول لي الهوست بتاعه اسمه ايه و انا هاحاول انزل شرح للهوست بتاعك. بافتراض انك عملت الداتابيس بنفسك او بمساعده شخص تاني، دخل البيانات زي اللي في الصوره و اضغط علي  Save database settings.

13 دخل بيانات اكتر للزن كارت، وبعدين اضغط علي Save system settings.

14  لو عندك، دخل معلومات الاس اس ال SSL لو انت متعرفهاش يبقي تجاهلها و اضغط علي No وبعدين Save phpBB settings.